【在日小編講奧運】 日本隊SLAM DUNK永不放棄精神戰鬥到加時 返回

今屆奧運開始咗四日港隊就奪得兩金一銅小編固然開心！但尋晚睇日本男籃對法國隊嗰張比賽真係熱血沸騰，日本隊雖然身高遠遠輸畀對方，主力八村又5犯出場，之後年僅23歲嘅河村勇輝肩負進攻重任，最後16秒一度領先法國隊4分，但不料竟發生爭議判決，球證喺河村同對方球員完全冇身體接觸下吹咗河村犯規！法國隊射入罰球平手進入加時賽，日本最後雖然四分不敵法國隊，但小巨人河川勇輝界限突破得到29分7籃板6助功嘅佳績，雖然有絕對嘅身高差但日本隊嘅表現都畀人睇到係有爭勝嘅機會！呢場輸咗唔緊要日本隊已經打出充滿可能性一仗！

最後附上SLAM DUNK井上雄彥老師對日本隊的打氣畫板。